Leitzeko energia berriztagarrien komunitatea
Leitzar talde bat elkartu gara, elkarren artean zerikusi handirik ez dugunak baina kezka partekatu bat badugu denak: gaur egun, gure ongi izatea lortzeko daukagun energiarekiko menpekotasuna.
Energiaren inguruan, bakoitzak bere hausnarketak eta konklusioak ateratzeko eskubide guztia du, baino gaur hemen gaudenak galdera sinple bat egiten diogu gure buruari: benetan beharrezkoa da gu ongi bizitzeko hainbeste energia konsumitzea?
Hortik abiatuta, ikusten dugu beharrezkoa dela, alde batetik, zentzuzko jokaera batekin murrizketak egitea eta beste alde batetik, energia berriztarrien erabilpena sustatzea.
Energia kontsumoa murriztu
Talde bezala, argi daukagu murrizketa beharrezkoa dela, eta aditu askok dioten bezala, ez da aukera bat, behar bat da, gure mundu honek “zutik” iraun dezan. Hori da gure printzipiorik garrantzitsuena.
Energia jasangarria sustatu
Aldi berean, hurrengo helburua, guk konsumitu behar dugun energia, modu jasangarri batean, gu sortzeko gai izatea litzateke, beti ere, gure inguruak eskeintzen diguna aprobetxatuz.
Azken albisteak
Izan eraldaketaren parte
Energia komunitatea izaera juridikodun entitatea da. Ingurune hurbileko pertsona eta erakundeak, publikoak zein pribatuak elkartuaz, energia sektorearekin zerikusia duen jarduera batean lankidetzan aritzeko asmoz, bertako kideei edo tokiko komunitateari zerbitzuak edo bestelako onura sozioekonomiko eta ingurumenekoak emateko.